Mia san doch so mächtig, mia prahln doch so gern,
mia schaffen sogar scho den Griff nach de Stern.

Mit oana Atombomben daats uns gelinga,
des Eis übern Nordpol zum Abschmuiz’n z’bringa.

Und durch’n Sankt Gotthard an Tunnel durchsprenga,
des ko der Mensch alles, da brauchst dir nix denga!

Er fliagt sogar schneller bereits wia der Schall,
der Mensch beherrscht beinah mit Technik das All.

Doch wenn’s nur drei Tag amoi pausenlos schneibt,
dann merkst, wo der Mensch mit seim Größenwahn bleibt,

na zoagt’s uns da Schnee bloß da Schnee, ganz
alloa,
wia schwach da Mensch is, ja wia huiflos und kloa